De Albergaria et cauto de Gauieiras

In nomine Sancte et Indiuidue Trinitatis, uidelicet Patris et Filii et Spiritus Sancti, amen. Ego Benedictus pro remedio anime mee et pro m[u]ltis beneficiis que mihi exibes in uia Dei facio tibi domno Iohanni Bracarensi archiepiscopo tuisque canonicis Bracarensi ecclesie seruientibus kartam siue testamentum de illa albergaria que est in illas Gauieiras quam ego peccator cum auxilio Dei et regis nostri domni Alfonsi et aliorum bonorum hominum adquisiui et postea ipse rex cautauit pro amore Dei et remedio anime sue. Do itaque illam tibi tuisque successoribus in perpetuum promouendis per sua loca et suos terminos cum toto suo cauto et cum omnibus que ad prestitum hominis est ita ut ab hac die sit tradita in tua potestate et canonicorum Sancte Marie. Si autem hoc factum nostrum aliquis frangere temptauerit in primis sit excomunicatus et cum Iuda Domini traditore dampnatus et non habeat participium curïm bonis sed cum inimicis Dei deputetur in tenebras exteriores ubi erit fletus et stridor dentium. Facta karta testamenti Era M.^a C.^a LXX.^a VIII.^a XI Kalendas Aprilis. Ego Benedictus famulus Dei hanc kartam propria manu roboro.
Pro testibus qui presentes fuerunt: Petrus ts., — Menendus ts., — Pelagius ts., — Petrus Bracarensis prior conf., — Petrus archidiaconus conf., — Mito cantor eiusdem ecclesie conf., — Menendus Ramiriz eiusdem archidiacorius conf., — Romanus Romaniz canonicus conf., — Godinus presbiter notuit.