Karta in cauto de Mauri

In Christi nomine. Ego Alfonsus Iohannis miles et uxor mea Tarasia Petri facimus kartam uendicionis et perpetue firmitudinis uobis domno Geraldo archidiacono et domno Iohanni Paris canonico Bracarensibus, nomine domni Iohannis Egee archiepiscopi Bracarensis, de tolo casali integro cum omnibus suis pertinenciis, quod uocatur de Stremadoiro, in cauto de Mauri, quod casale comparauit Petrus Petri pater meus Tarasie Petri, nomine meo, de Iohanne Nuni dicto Gato, et de tota quinta integra que mihi Tarasie Petri euenit in parte mea ex parte patris et matris, in toto cauto de Mauri et in parrochia Sancti Iacobi de Atiaes, que est tanta quanta est illa que comparastis ex parte fratris mel Petri Petri clerici. Facimus kartam de quarte parte integra cum omnibus pertinenciis suis casalis de Somoza et de gananciis aliis quas ibi feci ego Alfonsus Iohannis et ista quarta euenit mihi ex parte matris mee. Damus uobis atque concedimus predictas hereditates cum omnibus iuribus et pertinenciis suis de montibus in fontibus, terris ruptis et non ruptis per ubicunque ipsas potueritis inuenire pro precio quod a uobis recepimus, scilicet CCX morabitinos cum sua robora et pro tertia parte unius omicidii quod debebamus pectare archiepiscopo, quod fuit factum in ciuitate Bracarensi, et pro duabus partibus alterius omicidii que sibi debebamus de cauto de Mauri. Habeatis itaque uos dictas hereditates cum quanto habemus et de iure habere debemus in toto cauto de Mauri, excepto molendino quem tenemus per forum ab archiepiscopo in riparia de Feueros, quod uocatur de Figeira, et potestatem faciendi de illis quicquid uolueritis omne per euum. Si quis uero uenerit uel uenerimus qui hoc factum nostrum infringere uoluerit quantum quesierit tantum uobis in duplo conponat et insuper pectet uobis uel cui uocem uestram dederitis D solidos, karta ista nichilominus in suo robore permanente.
Facta karta per manum Stephani Petri tabellionis Bracarensis ciuitatis mense Nouembris Era M.^a CC.^a XC.^a I.^a. Nos in simul supra scripti uobis domno Geraldo archidiacono et Iohanni Paris hanc kartam propriis manibus roboramus.
Petrus ts., — Iohannes ts., — Menendus ts.