Plazum de Anta In Pannoniis

Notum sit omnibus presentibus et futuris quod nos Iohannes permissione diuina Bracarensis archiepiscopus facimus plazum habitacionis tibi Pelagio Iohannis et Marie Pelagii uxori tue de nostro casali de Anta tali condicione, uidelicet quod detis inde nobis et nostris successoribus porcionem de pane et de aliis ad forum sicut dant alii homines de Anta et uocetis maiordomum nostrum et sitis nobis obedientes et nunquam inuocetis contra nos alium dominum uel potentem, set debetis ipsum plantare de arboribus in locis conuenientibus et facere domos ubi fuerit misterium et radicatas et bauças nouas et debetis excolere ipsum bene et possideatis ipsum in uita utriusque dummodo ipsum suo modo duxeritis populandum. Post mortem uero uestram unus de filiis uestris quem malueritis ipsum casale possideat sicut uos et post mortem eiusdem liberum et in pace remaneat ecclesie Bracarensi. Pro robora uero dabitis nobis unum carnarium. Si quis uero nostrum contra hoc plazum ad irrumpendum uenerit pectet parti huic plazo optemperanti D solidos.
Facto plazo per Dominicum Geraldi clericum domini archiepiscopi mense Iulii Era M.^a CC.^a LXXXX.^a.
Pelagius ts., — Dominicus ts. — et Iohannes ts.