Preceptum alterius Adefonsi rex

In nomine Dei Omnipotentis uiui et increati, Patris et Filii et Spiritus Sancti cuius diuinitas et ineffabilis deitas, honor et gloria perennis cuncta precellit sublimia angelorum agmina, intuetur celorum alta et omnium corda penetrat interiora. In huius itaque Regis inuisibilis confidens misericordia et pietate, ego Adefonsus rex superni Regis famulas una cum uxore mea regina Semena Christi ancilla in ueneratione etiam confidens et patrocinio gloriose Virginis Marie, cuius ecclesia seu sedis in urbe Lucensi ab auibus meis siue a precessoribus est uenerabiliter informata atque, a paganis erepta, laudabiliterque est in pristino primi honoris gradu, quod pacis tempore adquisierat, restituta simili etiam modo ut et ipsi principes primi ita uidelicet nunc ego iam supradictus rex Adefonsus cum coniuge mea Semena eidem ecclesie Sancte Marie Lucensis sedis concessum primitus a precessoribus meis regibus culmen honoris restituimus atque condonamus pro salute animarum nostrarum et remedia peccatorum nostrorum simul etiam et Bracarensem et Auriensem urbes cum sibi olim subditis terminis ditioni asscripsimus que nunc destructe esse uidentur omnino et uobis presuli glorioso eiusdem ciuitatis Lucensis domno Recaredo consignamus atque condonamus et successoribus uestris pontificibus testamentum iuris priuilegii precessoris mei gloriosi principis Adefonsi auctoritate corroboratur. Has itaque urbes et prouintias predictas uobis condonamus pro ipsis ecclesiis uestris et prouintiis quas Sancto Saluatori Ouetensis ecclesie subdidimus, de quibus uos uestrique clerici conquesti estis querimonium nobis obiectum in concilio episcoporum et nobilium uirorum congregato in apostolica ecclesia Sancti lacobi die eius consecrationis, in quo uidelicet loco in presentia pene omnium qui aderant tante dedicationi a uobis mihi presentatum precessoris mei domni Adefonsi regis seriem testamenti manu ualida confirmaui et meum etiam scriptum uobis tribui ut si post discessum nostrum aut uestrum e seculo supra dicte ecclesie et prouintie Deo propitiante ad canonicalem redierint gradum ecclesie omnes sua recipiant caritatiue diocensalia fura et ditioni uestre ecclesie Lucensi quas subtraximus restituuntur ecclesie et prouincie sicuti in precessoris mei gloriosissimi regis Adefonsi continetur scriptura testamenti ne canonicales et apostolice sedis decreta a nobis uideantur indiscrete, quod absit, paternitati. Et quod pro salute animarum necessitate compulsi egimus in periculo uertatur nostro, si ecclesie rixate inter se diuortium habuerint, quia de rebus ecclesiarum et pauperum, ui abstratis, sacrificium Deo placabile non persoluitur. Ideoque ut omnia menbra sint in pace in capite uno, id est, in Christo pacifice, unaqueque ecclesia suum recipiat terminum episcopii, ut omnes ecclesie directe per uiam pacis pro statu regni nostri et incolumitate et salute nostra et precedentium et subsequentium regnum intercedant ad Dominum. Et hanc definitionem nostram unequeque ecclesie sua recipiant confinia ut benedicatur nomen Domini a uniuersis et gens regia amplificetur et sanctorum corporum animabus paradisus accipiat. Si quis uero rex generis nostri aut extranee gentis aut quelibet persona potencialis aut pontificalis hoc nostrum uotum et decretum seu testamenti seriem irrumpere decreuerit, malignitatis perfidia captus primitus iram Dei excelsi incurrat et canonicali sententia damatus cum Iuda, Dathan et Abiron infernalis sustineat cruciatus, nisi statim correptus penituerit. Et si in malis perseuerauerit in ultimo examinis die sit anathema damnatus cum diabolo et in presenti uita L libras auri functionis regie persoluat et ecclesie cui legaliter concessa abstulit in duplo aut in triplo restituat et hec testamentorum nostrorum series firmam habeat roborem iure perpetuo. Amen. pacta donatio testamenti regi religiosi principis Adefonsi presentibus episcopis et comitibus II. Nonas Iulii Era DCCCC.^a XXX.^a VII.^a, igitur memoramus et confirmamus quicquid deuotissime aui et parentes nostri huius Sancte aule uestre obtulerunt uidelicet proauus diue memorie Adefonsus princeps cuius memoria eius sit in benedictione. Adefonsus rex seruus Christi in hunc testamentum manu mea.