Testamentum quod fecit Pelagius Pelagii ecclesie Bracarensi de ecclesia Sancti Petri de Caluelo

In nomine Domini nostri Ihesu Christi. Ego Pelagius Pelagii uobis archiepiscopo domno Pelagio kartam facio uobis de ecclesia Sancti Petri de Caluelo de mea parte que est octaua integra. Do uobis eam ut teneatis illam in uita uestra et post obitum uestrum relinquatis illam mihi aut cui ego iussero. Habeatis uos firmiter dum uita uixerit. Et si aliquis homo uenerit uel uenerimus qui hunc factum nostrum infringere tentauerit in primis sedeat excomunicatus et ipsam ecclesiam redeat in quadruplum et iudicato.
Facta karta donationis die Kalendas Octubris.
Qui presentes fuerunt: Petrus ts., Menendus ts., Onoricus ts., Gomecius ts.
Leouegildus notuit.