[Ordonius II antiquam Diocesim Dumensem determinare iubet]

In Era DCCCC.^a X.^a VIIII.^a, IIII Kalendas Octobris facta est congregatio magna in locum predictum Alibrio in presentia domni Ordonii et collecti omnes episcopi comites et capetanei territorio Galleciense in eiusdem presenti fecerunt sugessionem domnus Sauaricus episcopus pro locum Sancti Martini episcopi Dumiense sedis territorio Bracarense et hostendit testamentum ipsius loci quod dudum fecerat idem memorie domnissimus Adefonsus princeps, pater ipsius Hordonii princeps, tempore domni Rudesindi episcopi pro omnes suos antiquiores terminos. Et sic petiuit idem domnus Sauaricus episcopus preuisores de ipso concilio qui ipsos terminos preuiderent. Tunc ille motus misericordia hordinauit preuisores Nausti episcopum, Froarengum episcopum, Lucidus Vimarani, Nunus Gutterriz, Cresconius Migiti, Vermudus Lucidi, Vimara et Ermegildus Froilani, Sp[as]andum et Hordonium Egani, Petrum et Adefonsum Vellini, Vermudum Arnotari, Fromaricus Cendoni, Tanoy Braolioni siue et alios plures abbates et presbiteros et homines bonos qui solet antiquitum comprauare. Et tunc uenimus nos iam supra dicti preuisores ad ipsum locum, ascendimus in montem qui est inter ipsum locum et uilla quem dicunt Insidias, inuenimus ibidem in petra caracterem Sancti Vincenti et exinde in alia petra inuenimus cruce et inde per petras fictas qui ab antiquo pro termino fuerunt constitutas et exinde in uia quam dicunt de Vereda qui discurret de Bracara et inuenimus ibidem congesta magna petrinea et inde per agirem et petras fictas quousque in archa qui sedet sculta in petra et exinde ad alia congesta terrinea et inde per agirem et petras fictas qui sunt secus uia de Vereda quousque in termino de Pittanes et inde per agirem et archas principias qui diuident inter Dumio et Palmaria et exinde per agirem Certuor qui diuidet inter Dumio et Paretelias et inde per totum ipsum agirem usque in termino de Lesmiri et inde per alia uia de Vereda qui discurrit de Bracara quousque inter tumeda qui fuit manum facta et exinde in archa petrinea principia ab antiquis constructa qui diuidet inter Dumio et uilla Lesmiri et inde per agirem firmissimum qui diuidet inter Dumio et uilla de Forozos usque ad alia archa petrinea qui diuidet inter Dumio et Parata Samueli et Forozos et sic per agirem et per petras fictas usque ad congesta qui diuidet inter Dumio et Culina et inde per agirem et per petras fictas usque in termino de uilla Pascasi et inuenimus ibidem petra scripta ubi dicet Sancte Eolalie ubi diuidet Dumio, Culina et uilla Paschasi et sic eximus per signas certas usque in montem ubi prius incoauimus et inuenimus in ea ipsos terminos parietes quos obtinuit Spasandus et alias quos obtinuit Alamirus seu et ecclesia uocabulo Sancti Pructuosi quod dicunt Montelios. Et quod potuimus preuidere in ueritate sunt ipsi termini fortissimi ab antiquis constructi ipsius loci iam fati et manibus nostris confirmamus.