Karta de hereditate in cauto de Mouri

In Christi nomine. Ego Geraldus Vincencii et uxor mea Maria Micahelis et ego Petrus Vincencii facimus kartam uendicionis et perpetue firmitudinis uobis domno Iohanni Bracarensi archiepiscopo et capitulo eiusdem de tota hereditate nostra quam habemus in cauto de Mouri et extra cautum, uidelicet in parrochia Sancti Iuliani de Lagenis. Damus uobis dictam hereditatem de montibus in fontibus per ubicunque ipsam potueritis inuenire pro precio quod a uobis recepimus, scilicet XXI morabitinos cum sua robora. Tantum nobis et uobis bene complacuit et de precio apud uos nichil remansit pro dare. Habeatis itaque uos dictam hereditatem firmiter et potestatem faciendi de ea quicquid uolueritis omne per euum. Si quis uero uenerit uel nos uenerimus contra hanc kartam ad irrumpendum quantum quesierit tantum in duplo componat et insuper pectet uobis [uel] cui uocem uestram dederitis D solidos, karta ista nichilominus in suo robore permanente.
Facta karta per manum Stephani Petri tabellionis Bracarensis ciuitatis mense September, Era M.^a CC.^a LXXX.^a VIII.^a. Nos supra nominati uobis domno Iohanni Bracarensi archiepiscopo et capitulo hanc kartam propriis manibus roboramus.
Petrus ts., Iohannes ts., Menendus ts.