Donatio quam donauit Menendus Fernandi ecclesie Bracarensi de ecclesia Sancti Andree de Sesmir

In Christi nomine. Ego Menendus Fernandi facio kartam donationis et firmitatis uobis archiepiscopo Bracarensi domno Iohanni et Sancte Marie Bracarensi clericisque ibi commorantibus de mea parte de ecclesia Sancti Andree de Sesmir uidelicet de sex septimis quartam integram et habui illam de patre meo Fernando Godesteiz. Do uobis illam cum omnibus que ad eam pertinent. Et hoc facio pro compositione sacrilegii quod in ecclesia Sancti Saluatoris de Nuzedo perpetraui ubi patri et fratri meo quemdam hominem interficientibus auxilio fui. Itaque habeatis uos illam firmiter et omnes successores uestri iure perpetuo. Contra quod factum meum quicumque uenerit ad infringendum sit maledictus et excommunicatus et si ego in concilio non pot[u]ero autorgare uel deuendicare pro uestra parte uel uos in uoce mea tunc pariam uobis quartam integram de sex septimis supra dicte ecclesie sicut eam superius determinauimus duplatam uel triplatam aut quantum a uobis fuerit meliorata.
Pacta karta III Kalendas lulii, Era M.^a C.^a LX.^a III^a. Ego Menendus Fernandi hanc kartam donationis et firmitatis uobis Bracarensi archiepiscopo domno Iohanni clericisque ibi commorantibus Bracarensibus propria manu roboro.
Petrus ts., Menendus ts., Pelagius ts.
Vermudus diaconus notuit.