Testamentum quod fecit infans domnus Alfonsus ecclesie Bracarensi et Pelagio archiepiscopo de quarta parte de ecclesia Sancti Pelagii de Mauri

In nomine Patris et Filii et Spiritus Sancti. Ego Alfonsus comitis Enrici Tarasie filius et Alfonsi regis nepos facimus kartam testamenti Deo et Sancte Marie Bracare et uobis domno Pelagio archiepiscopo et clericis ibi commorantibus de illa hereditate de Sancto Pelagio de Mauri quartam partem integram cum totis coniunctionibus suis per ubicunque illam potueritis inuenire. Habeatis uos illam firmiter et omnes successores uestri in perpetum. Et ego Alfonsus supra dictus in hac karta manu mea roboro.
Qui presentes fuerunt: Mito ts., Petrus ts., Petrus prior ts., Egas Moniz conf., Ermigius Moniz conf., Fernandus Captiuus conf.
Suerius Maurus notuit.