Testamentum quod fecit Petrus Luz archiepiscopo Pelagio Bracarensi de hereditate de Gondulfi

In Dei nomine. Ego Petrus Luz placuit mihi ut facerem uobis domno Pelagio archiepiscopo Bracarensi successoribusque uestris testamentum de hereditate mea propria quam habeo in uilla de Gondulfi. Do uobis sexta de illo casal que fuit de Froia Petri pro penitentia mea et pro remedio anime mee. Habeatis uos firmiter illam et omnes successores uestri. Et si aliquis homo uenerit uel uenero et illam calumniare tentauerit sit excomunicatus et cum Iuda traditore dampnatus et quantum calumniauerit in duplum restituat.
Godinus presbiter et capellanus archiepiscopi notuit.