Testamentum Roderici Gomizonis quod fecit ecclesie Bracarensi

Ego Rodericus Gomez si de hac infirmitate qua nunc iaceo mortuus fuero ita possessionem meam pro anima mea distribui iubeo. In primis mando corpus meum sepeliri in Sancto Martino de Maniente et mando ibi dare tres kasales de mea hereditate, ad Tiuianes unum casalem, ad monasterium de Villar II casales, ad sedem Braccarensem unum casalem. Et mando ad meum germanum illam meam hereditatem quam habeo emplazadam, et mando ingenuare duos meos nomines de Criaz et mando ut uendant meos kabailos et meas equitaturas et inde soluant omnes meas debituras. Et mando et rogo ut mater mea et omnes mei parentes uadant ad pedes archiepiscopi et osculent eos et petant ab eo misericordiam ut me per suam piissimam misericordiam absoluere dignetur. Et sicut episcopus Vlixbonensis mandauit et inde fideiussores illi missi, uidelicet Rodericum Petri et Egas Pelagii, mando ut redant omnes equitaturas in ecclesiam Sancti Michaelis per manus domini archiepiscopi unde uiolenter eas accepi et dominus archiepiscopus tandiu teneat fructum omnium supradictarum hereditatum donec sit bene intregatus pro ipsa uiolatione et postea reddat ipsas hereditates sicut superius nominaui.
Petrus presbiter audiuit.
Mouram et uxor eius ts., Monio Venegas ts., Gunsaluus Gunsaluiz ts.