Testamentum Gunsalui Goterriz quod fecit ecclesie Bracarensi de ecclesia Sancti Petri de Cortegaza

In Christi nomine. Ego Gunsaluus Gutierriz presbiter facio kartam testamenti Deo et Sancte Marie Bracarensis sedis et uobis archiepiscopo domno Iohanni uestrisque canonicis de omni iure quod habeo in ecclesia Sancti Petri de Cortegaza tamquam extra in testamentis et possessionibus sicut illam in presenti habeo ut me cum illa iuuetis, ametis et defendatis et mihi in necessitatibus meis sicut decet subueniatis et in obitu meo sicut dixi illam recipiatis et uos et successores uestri in perpetuum possideatis. Interim uero ego sim uobis obediens cum ipsa ecclesia et postea detis uos illam alicui clerico de parentela mea si ydoneus inuentus fuerit qui uobis obediat cum illa et semper habeat eam. Itaque habeatis uos et successores illam firmiter eo pacto quo dixi. Contra quod factum meum quicumque uenerit ad infringendum sit maledictus et excomunicatus et quantum uobis de omni eo quod in hoc scripto continetur auferre presumpserit tantum uobis in duplo componat.
Facta karta VIII Idus lunii, Era M.^a CC.^a. Ego predicus Gunsaluus Gutierriz presbiter hanc kartam propria manu roboro. Ego quoque Iohannes Bracarensis archiepiscopus conf.
Petrus ts., Iohannes ts., Pelagius ts., Petrus Bracarensis ecclesie prior conf., Pelagius cantor conf., Fernandus archidiaconus conf., magister Petrus archidiaconus conf., Gomizo archidiaconus conf., Petrus Odorii archidiaconus conf.
Vermudus diaconus notuit.