Suspendit Papa Colimbriensem episcopum nisi faciat debitam reuerentiam archiepiscopo Mauritio et Bracarensi ecclesie

P[ascalis] episcopus seruus seruorum Dei. Venerabili fratri G[undisaluo] Colinbriensi episcopo salutem et apostolicam benedictionem. Quanti criminis habeatur ecclesiastice auctoritatis contemptus ex profeticis uerbis agnoscitur ubi scriptum est quasi sceius idolatrie noile adquiescere. Fraternitatem tuam missis et remissis litteris admonuimus ut confratri nostro Mauricio Bracarensi archiepiscopo tanquam metropolitano tuo reuerentiam obedientiamque impenderes. Tu uero et litteras contempsisti et priuilegia que Bracarensi ecclesie apostolice sedis auctoritate indulcimus sub contemptu eiusmodi conculcasti. Adhuc tamen paternam penes te pacientiam exhibentes precipimus ut eidem archiepiscopo tanquam metropolitano tuo deinceps debeas obedire. Porro nisi infra dies quadraginta postquam has litteras acceperis debitam ei obedientiam presentaueris, ex tunc ab episcopali offitio te suspendimus. Data Anagnie III Nonas Nouember.