Donatio hospitalis de Dornelas facta a rege Alfonso primo

In nomine Patris et Filii et Spiritus Sancti. Ego famulus Dei infans domnus Adefonsus kautum facio Deo et Sancte Marie ad illum ospitalem de Dornelas pro remedio anime mee uel parentum meorum et est illud kautum terminatum in primis per Lucentiam et inde ad portellam de Felgeiras et inde ad Penam de Boue et inde ad Carualiosam et inde ad mossam de Suberoso et inde ad fragam de Grezalios et inde ad penam d[e] Estriuili deinde ad arcum de Lagena deinde ad acumen ciuitatis de Genestosa deinde ad Lucentiam unde primitus incoauimus. Quicquid infra hoc cautum ad regale inperium pertinet totum exsoluimus. Et hoc est factum per manus domni Pelagii archiepiscopi sedis Bracarensis. Et si aliquis homo uenerit uel uenerimus qui hoc factum nostrum infringere temptauerit in primis sit excommunicatus et pariat libram auri et factum nostrum maneat firmum. Ego infans domnus Alfonsus hoc kautum manu mea roboro.
Qui presentes fuerunt: Egas Moniz conf., Ermigio Moniz conf., Menendus Moniz conf., Gomizo Menendiz conf.