Donatio de Villa de Santa Columba

^(a) Ob honorem Domini Nostri Ihesu Christi et sanctorum gloriossimorum martirum, Sancti Mametis et Sancti Pelagii, et cetera sanctorum apostolorum pignora, que in eodem loco sunt recondita, in loco nominato Lurbanensi cenobio, suburbio Colinbrie. Ego, famulus Dei, Oueco Garseani, cum peccatorum meorum mole depressus, in spe fiduciaque sanctorum meritis respiro, non usquequaque desperatione deicior, quod etiam, teste conscientia, reatui meo criminis sepe pauesco ut, per uos tandem, sanctissimi martires, reconciliari merear a Domino Deo Nostro. Et quia scriptum est: "Vouete et reddite Domino Deo Vestro"^(b). Et ideo, cum omni affectu mentis atque operis, ipsam meam deuocionem adimplendo procuro. Vnde monuscula mea aliquantulum munus, ex uoto proprio, procuro conffere, sicut enim legimus instituta sententia, quomodo principes nostri constituerunt, quomodo accesserunt, una cum ortodoxis uiris illustribus, presago spiritu pleni calle recto, procul dubio, declararunt de hereditate prop[in]quis siue neptis uel extraneis aut cuiuslibet personis ut, unusquisque de rebus suis, in omni robore et perpetua firmitate habere, tradere liceat. Et ego, exiguus famulus Dei, Oueco Garseani, placuit mihi, sano animo integroque consilio, mente perfecta pacisque uoluntas, ut facerem, ad ipsum locum^(c) Sancti Mametis, textum scripture testamenti series bene factis. Ideo, offero pro remedio anime mee siue defunctorum meorum: in primis, uillam de Sancta Columba, cum suos uillares et suas ecclesias [et suis] locis et terminis antiquis, uineas, pomares, ortos, ortales, aquas [aquarum], sesigas molinarum, exitus montium, ingressus et regressus; domos, curtes, intrinsecus eorum, cubas cum bibere, cubos cum cibaria; aurum, argentum, ornamentum ecclesie, pannos siricos, lineos uel laneos; caballos, equas, mulos, asinos, frenos, sporas, spadas, scudos, lanceas, lorigas; ferrum seu metallorum uel quantum apprestitum hominis est. Et diuidet ipsa uilla et ipsos uillares, per illam arcam que est in illo campo, iuxta illo fontano inter Sancto Iohanne et perget per lomba que diuidet cum termino de Trexete, ubi est uia antiqua et inde per montes, per petras fictiles, usque diuidet cum uilla Genestosa, per lomba prope eclesiam Sancti Pelagii, inpronante per termino forte, usque in riuulo Adon; et, de alia parte^(d), contra Aquilonis, per montis et per arcas antiquas et per petras sicilatas, que diuidet cum uilla Aluarim et inde inpronante ad iriuulo Crinis; et concludet alio monasteriolo, nomine Sancti^(e) Georgii, et inde, per riuulo Crinis, usque in foce riuulo Adon. Etiam omnia que notaui medietatem partem concedo. Siquis tamen, hunc factum meum infringere temptauerit, aut alienare demutilareque temptauerit aut filiis, suprinis nepotis aut aliquis homo, cuiuslibet subrogata persona, ut hanc meam deuocionem neglecte aut sponte compellere uoluerit, in primis, ira Dei Omnipotentis super eum descendat et, exutus a fonte babtismatis, careat lucernis et a corpore Domini Nostri Ihesu Christi sit segregatus et, dupla perdicione dampnatus, atque cum Iuda proditore arsurus, lugeat penas in eterna dampnatione. Et hec series testamenti firmiter habeat roborem. Facta carta testamenti XI.^o Kalendas Augusti, Era T.^a XII.^a. Ego Oueco Garsea in hanc cartulam testamenti manu mea confirmo †.
Guterre Muniz conf. †, — Didacus †, — sub Christi nomine Vilulfus Conimbriensis episcopus conf.^(f), — sub Christi nomine Hicquilani Dei gratia Visensis episcopus conf., — sub Christi nomine Iacobus Lamecensis episcopus conf., — Hanni Didaz testis, — Gunsaluus Eisemeniz testis, — Abolmondar Gondolfiz ts., — Garsea Sanchiz ts., — A[l]uitus Benedictiz ts., — Oueco Goesteiz ts., — Albarus Ansuriz ts., — Heita Maioriz ts., — Guntelli ts., — Maurel Garsea ts., — Garcia Muniz ts., — Scappa ts., — Gomez Muniz ts., — Exemeno Sauariquiz ts., — Munio Diaz ts., — Hermigio Diaz ts., — Didacus Velaz ts., — Teodosius abba, — Cresconius presbiter, — Sarracinus presbiter.
Martinus presbiter scripsit.