Testamentum de uilla Liuira et de uilla que dicitur Lazaro

In nomine Domini Nostri Ihesu Christi. Ego Gaudio et Helias pariter cum uxore mea Gratiosa et Ildura presbiter et Murido et uxor mea Sisili et Vidal et uxor mea Eio placuit nobis per bona pace et uoluntate ut faceremus uobis Andrias abbati et fratribus uestris in monasterio quod uocitant Vaccariza uocabulo Sancti Saluatoris et Sancti Vincenti leuite et sanctorum apostolorum Petri et Pauli et Sancte Marie Virginis et omnium sanctorum facimus uobis textum scripture firmitatis de uilla nostra que uocitant Liuira in territorio Colimbriensi et de alia uilla que dicunt Lazaro et ipsas uillas damus atque testamus ad ipsum locum supranominatum Sancti Vincenti ad ipsum abbatem supranominatum pro remedio animarum nostrarum et parentum nostrorum et auorum nostro[rum] cum quantum prestitum hominis est terras ruptas uel inruptas arbores fructuosas uel infructuosas pascuis padulibus aquas aquarum uel sessigas^(a) molinarum et ipsa hereditas diuidit ab Orientale parte cum Villarino et ad Meridiem per ipsum montem usque uertit ad illum rogio quem uocitant Samia ab Aquilone parte ubi uertit se illa Liuira in flumen Certome ad Occidentalem partem per ubi dicunt Mamoa Rasa ubi e[s]t^(b) illa heremita que uocitant Sancti Romani et diuidit per ipsa serram ad Portum Aureo et uertit in flumine Certome per ubi concludent nostras hereditates et ipsas hereditates desuper taxatas firmiter habeatis et possideatis in perpetuum. Et siquis tamen quod fieri non credimus aliquis homo tam de propinquis quam de extraneis hoc nostrum factum infringere temptauerit anathema sit et in conspectu Dei Omnipotentis atque eius sanctorum et pro dampna temporalia adflictus pariet quadruplum quantum ausus fuerit infringere et post parte regi uel qui terram imperauerit duo auri libras uel ternas. Facta est scriptura testamenti Kalendas Decembris Era M.^a L.^a VIII.^a. Nos supranominati in hoc testamento manus nostras roboramus † † † † † † † † †.
Qui presentes fuerunt: Ninnas ts., — Ermeiro ts., — Louegido ts.,— Vestremiro ts., — Helias ts.
Zalama presbiter notuit.