Testamentum de Uillauerde, suptus Uakariza. XXI karta

| [f. 15r] Testamentum de Uillauerde, suptus Uakariza. XXI karta

In Dei nomine. Ego Uincenti presbiter, cognomento Homeir, in Domino Deo, salutem eternam. Amen. Placuit mihi ut facerem ad uobis domino et pater Primus abba, simul cum collegio cenobio uestrorum, pro remedio anime meę contestarem uobis, sicuti et contesto, uilla mea propria, quos eiecit de strirpe (sic) mea, et est nomen eius Uillauerde, comparada de abios et parentibus uel eredibus meis nomine Bacturio, inter Uimeneirola et Barriolo, ripa ribulo Uakariza, suptus mons Buzaco, territorio Colimbrie. Concedo uobis ipsa uilla per suos signales in circuitu, secundum iuri meo manet, cum omnibus prestationibus suis, domus, cortes cum edificiis suis, uineis, pomiferis, hortis et sesegas molinarum cum VIII° molinos, que iam ibidem feci, ita ut in uita mea mihi deseruiat et post obitum meum ab integro concedo. Quo et coniurationem confirmo per Deum patrem omnipotentem quia contra hunc meum factum numquam ero ad inrumpendum.
Si quis aliquis homo contra hunc meum uotum ad irumpendum uenerit, inprimis sit excomunicatus et ad cetui christianorum segregatus et cum Iuda traditore habeat participio. Et ipsum quod auferre conaberit quadruplo componat, et post parte iudicum D solidos componat, stantem et permanentem.
IIII° kalendas iunias, era MXII^a.
Ego Uincenti presbiter in hunc testamentu mentum (sic), quem fieri uolui, manu mea r(signum)oboraui.
(1ª col.) Zuleiman iben Salomon testis.- Iuliani iben Abbilion testis.- Homeir iben Abdella testis.- Abzuleiman iben Iquila testis.
(2ª col.) Santon iben Senior testis.- Abuldazir iben Aldemir testis.- Iohanne iben Zacoy testis.- Abundantius presbiter testis.