Testamentum de illa Uarzena de Arcus. XXIII karta

[f. 15v] Testamentum de illa Uarzena de Arcus. XXIII karta

In Dei nomine. Ego Aldreto Olidiz, qui sum uigario de domna Elduara, prolix Pelagii Gundisaluiz, uobis Iquila iben Nezeron et uxor tua et filiis tuis. Placuit nobis, sana mente integroque consilio, ut uenderemus uobis, sicuti et uendimus, senara nostra propria que abemus in ripa de Arcus, et abet iacentia: de una parte diuidet per fontanello de Ferrariolos cum uillare de Caluos et de alia parte per deuesa de Sancti Cucufati usque in illo freixeno. | [f. 16r] Uendimus uobis illam integram secundum de iuri meo mansit, et accepimus de uos precium uno captiuo christiano, pro remedio anime nostre tantum nobis bene complacuit. Et hoc notum sit, ut illa senara habeatis illa in uita uestra et post obitum uestrum que remaneat illa senara ad monasterium Lauribanus, uocabulum Sancti Mametis, pro remedio anime nostre.
Si quis tamen, quod fieri non credimus, et aliquis homo uenerit uel uenerimus contra hunc nostrum factum ad inrumpendum, inprimis sit excomunicatus et ad corpus Christi sit segregatus et cum Iuda traditore abeat participio, et insuper quantum auferre conaberit in quadruplo (a) componat, et unc factum nostrum plenam obtineat roborem.
Facta karta uenditionis XV kalendas ianuarias, era DCCCCLX^LVIIII^a.
Et ego Aldreto, qui anc kartam iussi facere, manu mea propria r(signum)oboraui.
Gundisaluus Moneonis conf. Omeir presbiter. Zalama iben Recemondo testis. Dulcidio testis.