Testamentum de Ranemirus rex de duas partes de Alualad. III° testamentum
Cartulário:
- Lorvão
Outorgante:
- Real
Ramiro II, filho de Ordonho II, foi rei de Leão de 931 a 951; o seu filho Ordonho III, que confirma a
doação antes e depois de ocupar o trono, de 951 a 956.
Outra cópia (s. XIII) in ANTT, Lorvão, maço 1, doc. 2 (texto 1).
[f. 3v] Testamentum de Ranemirus rex de duas partes de Alualad. III° testamentum
In nomine sancte et indiuidue Trinitatis, Patris uidelicet Filii et Spiritu Sancti. Hec est tomum series scripture testamenti uel donationis quem facere decreui ego Ranemirus rex, adiutus uirtutem, fultus in regno, uobis domnus Mestalius abba, cum collegio fratrum degentes uobiscum in locum Sancti Mametis, quorum baselica fundata esse dinoscitur Lauribano, in Domino Deo sempiternam salutem. Amen. Annuit atque conuenit spontaneę serenitatis nostre glorie ut donaremus atque contestaremus uobis duas partes de uilla de Alualat et senrra de ibidem Alualat siue usque diuidet cum Fonte Auria, siue etiam medietate de Pulgaria. Hec omnia uobis concedimus et contestamus ab integritate, ut sit pro substentatione uestra seu ospitum, pauperum et peregrinum et propter remedium animarum nostrarum, quia sic admonet (a) nos Sancta Scriptura: «Da, Domine, quia dedi; miserere mei, quia misericordiam feci» (b), ita ut ex presenti die et tempore sit omnia contestatus potestate iam prefato loco et uestra perenniter abiturum per secula cuncta.
Si quis uero, aliquis homo, quisquis fuerit, hanc factum nostrum infringerit uel conare uiolaberit, inprimis sit segregatus a corpus et sanguine Domini nostri Ihesu Christi et cum sceleratis penas luat tartareas baratro dimersus, | [f. 4r] et hunc factum nostrum in cunctis obtineat firmitatis roborem.
Facta series testamenti die VII° kalendas februarias, era DCCCCLXXXIa. Ranemirus serenissimus princeps hanc concessione a nobis facta (monogramma).
Ordonius prolis regis conf.
Houdonius (sic) serenissimus princeps hanc uotum pii patris nostri conf.
Gundesindus Conimbriense episcopus conf.
Sub Christi uirtute, Dulcidius Uisense episcopus conf.
(1ª col.) Menendus Gundisaluiz conf.- Osorius Lucidi conf.- Pelagius Tedoniz conf.- Menendus Gundesalui conf.- Exemenus Didaz conf.- Rodorigus Gutierriz testis.- Froila Gotierriz testis.
(2ª col.) Gundesindus Froiani testis.- Honorigus Didaz testis.- Frenandus presbiter, primiclero, testis.- Sisnandus diaconus testis.- Aspidius presbiter testis.- Gundisalbus Muneonis conf.
Menizius presbiter scripsi et testis.
(a) d interlin.- (b) Cf. Caesarius, in admonitione 2: «da, Domine, quia dedi, dimitte quia dimisi».
Reg. e com.: Catón, ‘La documentación’, pp. 499-500 n. 17.
Ed.: PMH - DC, I/I, pp. 29-30 n. L (com variantes da cópia do s. XIII); LT, pp. 597-598 n. 3.
