Testamentum de Teodemirus presbiter de uilla de Aluiaster. XI° karta

[f. 8v] [Testamentum de Teod]emirus presbiter de uilla de Aluiaster. XI° karta

Domnis inuictissimis hac triumfatoribus sanctisque martiribus sancti Mameti et sancti Pelagii, quorum baselica fundata est in loco Laurbanus, territorio Colimbrie. Ego, exiguo famulo Dei, Teodemirus presbiter, qui, in peccatorum mole depressus, in spe fiduciaquę sanctorum meritis usquequaque disperatione deicio, qui etiam teste conscientie reatui (a) | [f. 9r] mei criminis sepe pauesco, ut ego per uos sanctissimi martires tandem reconciliari merear Domino Deo uestro hac sanctorum omnium fides supplicationes uotis omnibus implere. Et ideo deuotioni mee extitit ut de paupertule mee sancte ecclesie uestre aliquantulum ex uoto proprio conferre deferre (sic), sicut scriptum est: «Vouete et reddite Domino Deo uestro» (b). Acsi concedo et offero ecclesie uestre, ut dixi, pro uictis atque uestimentis monacorum in ipsa ecclesia uestra deseruiendum siue pro luminaribus altarium uestrorum uel elemosinis pauperum, do atque concedo pro remedio anime meę uilla de Uiliastro quod emi, cum suas uineas et suos casales, exitus et regressus, des illa ponte et inde per illo monte quomodo exparte cum Creixemiris usque fer in illas uarzenas de fratres; et alia mea uinea quod plantaui in Alkara, cum sua cuba; et alia uinea quam abeo ultra Mondeci quod emi de Gunzaluo Rezemondiz; item in Ribulo Frigido quartam partem; et aliam quartam partem ad Pelio Petriz, ut ille eam obtineat in uita sua, et, si defuerit semen de heo, integrum ad monasterium concedo pro animas parentum suorum. Et mando meo mulo ad Lauribano (c) et LX^a oues et duas pezas de uinea quam dedi ad suprinum meum Gundisaluum et alium Gundisaluum, meum criatum, ut eas abeant in uita sua et post obitum illorum ad monasterium concedo. Et adicio etiam medietatem sesega molini et tertiam de alio quod fuit de Germias Caluo in uilla Rio Frido, ut in uita mea mihi deseruiant et post obitum meum ab integro concedo. Quo et iuratione confirmo per Deum patrem omnipotentem et per regnum catholicorum quia nunquam ero ad inrumpendum hoc meum uotum.
Et qui talia ausus fuerit inrumpere inprimis sit excomunicatus et ab omni cetu christianorum segregatus et cum Iuda traditore abeat participio in eterna damnatione, et quantum contaminauerit in quadruplum pariat. Et hunc meum scriptum plenam habeat firmitatem, stantem et permanentem in uius robore firmitatis.
Et ego, supranominatus humiles et quieti, in anc kartula testamenti, quod fieri iussi et religendo cognoui, ma[nu] mea r(2 signa)oboraui.
Facta series | [f. 9v] testamenti II^e nonas decembris, era MCXXX^aVIIII^a.
(1ª col.) Prior Eusebius conf.- Sesnandus monacus conf.- Pelagius monacus conf.- Iohannes monacus conf.- Gundisaluus monacus conf.- Pelagius monacus conf.- Pelagius Gunzaluiz testis.- Froila Tosariz testis.- Vermudo Eirigiz testis.
(2ª col.) Iohannes presbiter conf.- Gondesindus presbiter conf.- Tructesindus diaconus conf.- Saluator subdiaconus conf.- Petrus exorcista conf.- Menendus exorcista cs. (sic).- Zalama Salutiz testis.- Sendino Gondereiz testis.- Zalama Doniz testis.
Fernandus diaconus notuit et conf.