Testamentum de sancto Iacobo de Sausellas. XII karta

[f. 9v] Testamentum de sancto Iacobo de Sausellas. XII karta

In nomine Domini nostri Ihesu Christi. Hec est series testamenti quem facere uoluimus nos, Iusta et filiis meis Laudandus presbiter et Andre, uobis Teodericus abba uel fratribus tuis. Sanos nos et sana mente integroque consilio et parique consensu, elegimus uobis facere kartula testamenti, sicuti et fecimus, de omnia nostra hereditate uel facultate. Inprimis, domos cum corte et omne illorum intrinsecus, aurum, argentum, ferramenta uel omne genera metallorum, pannos siricos, laneos et lineos, cupos, cupas, lectos et catedras, mensas, cibaria et uino, uineis et ortis, terras ruptas et inruptas uel omnia que ad usum ominis pertinet de prestatione huius seculi, omnia ad integrum post obitum nostrum pro remedium anime nostre uobis concedimus, excepto baselica uocabulo Sancti Iacobi, hic in illa nostra uilla de Sausellas, cum suum seruitium uel eius ornamenta, ita prenominata post parte supprinos uel neptis meis qui de illos in ecclesiastico ordine perseuerauerint. Adicimus uic etiam, si fuerit perfectus, illa ecclesia cum LX^a passales in giro, ita ut pro anime nostre fideliter deseruiant. Si uero de ipsa propinquitas nostra a ministerio ecclesię recesserint, sit ista ecclesia et cuncta omnia nostra et quantum usque ad obitum nostrum cum Dei adiutorio proplicare potuerimus post parte monasterii Sancti Mameti, uobis concessimus confirmata, ut sit (a) pro remedium anime apressoris ipsa corte seu et de fundatoris ipsa nostra ecclesia, ut quicquit | [f. 10r] post parte monasterii uestri Sancti Mameti exinde agere uel facere uolueritis in Dei nomine abeatis potestatem.
Si quis tamen, quod fieri non credimus, aliquis homo contra hunc nostrum uotum ad inrumpendum uenerit, inprimis sit excomunicatus et ab ecclesia Dei separatus et cum Iuda rei (sic) proditore sit condemnatus et in finem communionem non accipiat, et insuper damna legum afflicta secularia et ante iudice pariet omnia ipsa que auferre temptauerit quadruplatum et uobis perpetim abiturum.
Facta scriptura testamenti V° kalendas iunii, era DCCCCLXXV^a.
Nos supra memorati in ahnc (sic) kartula testamenti a nobis facta manus nostras confirmamus. Ego Iusta manu mea conf. (signum). Et ego Laudandus presbiter conf. Et ego Andre manu mea conf.
(1ª col.) Elias testis.- Teodesindus testis.- Atanagildo testis.- Mohepe testis.- Habzaada testis.- Zalama testis.- Farache testis.- Crescenti presbiter testis.
(2ª col.) Dignus presbiter testis.- Stefanus presbiter testis.- Iohannes presbiter testis.- Vincentius presbiter testis.- Abozaac abba conf.- Teodericus abba conf.- Flores presbiter testis.- Moysen, acsi indignus presbiter, testis.