Testamentum de Uillela de Froila Tosariz. XIIII karta

[f. 10v] Testamentum de Uillela | [f. 11r] de Froila Tosariz. XIIII karta

In nomine sancte et indiuidue Trinitatis, Patris uidelicet et Filii et Spiritus Sancti. Ego Froila Tosariz, in Deo, Dei Filio, sempiternam salutem. Dono atque offero propter remedium anime mee et altario sacro Sancti Mameti, qui situm est cenobio subtus monte Lauribano, territorio Conimbrie (a), seu ad fratres qui in ipso monasterio militant sub regimine Eusebius, prior, uel qui post eum ibidem successor extiterit, pro sustentatione fratrum et ospitum aduenientium, mea uilla que abeo in Uilella cum terras ruptas et inruptas, et concludet per cima de ille monte de Oliastro et discurrit ad illa garganta de Uilla Noua usque fer in illo ribulo et inprona per ille ribulo usque fer ad ille porto de Sauselas et inde per radice de ille monte qui uocant Auteiro de Rando usque fer ad illa eriditas de fratres (b). Ita ut a modo et deinceps ipsa uilla post parte monasterii maneat per secula cuncta absque alicuius uel nostra inquietatione.
Quod si aliquis omo uenerit, tam de meis propinquis quam de extraneis, que hunc meum factum infringere uoluerit, inprimis sit excomunicatus et cum Iuda traditore abeat participio, et insuper quantum temptauerit in quadruplo componat. Et unc meum scriptum firmum obtineat roborem.
Facta karta testamenti II nonas decembris, era millesima C^aXX^aVII^a.
Et ego Froila Tosariz, qui anc kartam testamenti iussi facere et cum propria manu mea r(signum)oboraui, conf.
(1ª col.) Dominicus iben Abid testis.- Exemenus testis.- Daniel Patreboniz testis.- Fernandus Uidigiz testis.- Osoredo Didaz testis.- Manualdus testis.
(2ª col.) Arias Sandiz presbiter conf.- Arias Gontaz conf.- Sisnandus monacus conf.- Uermudus monacus conf.- Petrus monacus conf.- Daniel confessus conf.