Testamentum de Recardanes in ripa de Agada. XXV karta

| [f. 17r] Testamentum de Recardanes in ripa de Agada. XXV karta

Hob honorem Domini nostri Ihesu Christi et sanctorum gloriosimorum (sic) martirum sancti Mametis et cetera sanctorum pignera qui in eodem loco sunt recondita, in loco nominato Hurbanensi cenobio, suburbio Conimbrie. Nos quidem, exiguos famulos Dei, Fredenando Sandiniz et uxor mea, Geluira, cum peccatorum nostrorum mole depressus, in spe fiduciaquę sanctorum meritis respiramus, non usquequaque disperatione deicimur, qui etiam texte conscientie reatui nostro criminis sepe pauescimus, ut per uos tandem sanctissimi martiris reconciliari mereamur a Domino Deo nostro. Et quia scriptum est: «Vouete et reddite Domino Deo uestro» (a), et ideo nos, supranominati Fredenandus et Geluira, placuit nobis ut faceremus ad ipsius loci et sanctorum altariorum kartula testamenti series benefactis de tertia de uilla nostra propria uocitata Recardanes, in ripa de Agada, quomodo iacet cum Uentosa et Antolini, comodo illas obtinuit Sandinus Suariz et uxor sua, Exemena. Et habemus ipsa tertia integra per sortem diuisionis cum nostros iermanos. Homnia quod diximus ab integro uobis concedimus cum quantum in se obtinet.
Si quis tamen, quod fieri non credimus, aliquis homo uenerit uel uenire conaberit qui unc nostrum uotum infringere temptauerit, inprimis sit excomunicatus ad sancta comunione et cum Iuda traditore habeat participio in eterna damnatione, et insuper quantum auferre temptauerit in duplo uobis conponat, et post parte iudicum D^os solidos conponat et C^m flagellas suscipiat. Et hunc nostrum factum plenam obtineat roborem. Adicimus huic in loco et sancto cenobio liuerto nostro, nominato Teodemiro Aluitiz et sua uxor, Ermesinda, pro remedio anime nostre. Iterum adicimus ibidem ut per singulos annis de nostras salinas de Coneliaria dent post parte monasterii XXⁱ modios de sal.
Era millesima XVIIII^a.
Nos autem Fredenandus et Geluira in anc kartam testamenti, quod fieri uoluimus, manus nostras r(2 signa)oboramus. |
[f. 17v] (1ª col.) Gundisaluus Muneonis conf.- Suario Sandiniz conf.- Ranemiro Gunzaluiz conf.- Menendo Gunzaluiz conf.
(2ª col.) Suario Erotiz conf.- Pelagio Liedroniz conf.- Meliazar iben Alcapzor conf.- Beniamin diaconus scripsit.