Testamentum de Sancto Uincenti de Peraria, in terra de Sancta Maria. XXVIIII karta
Cartulário:
- Lorvão
Outorgante:
- Particular
[f. 20r] Testamentum de Sancto Uincenti de Peraria, in terra de Sancta Maria. XXVIIII karta
In nomine Patris et Filii et Spiritus Sancti. Ego humilem et seruus Christi Arianus, quasi presbiter. Ideo placuit mihi per bone et uolumtas ut facerem uobis Ranemirus abba et ad fratribus uestris morantes in monasterio Laurbanus textum scripture testamenti de omne meas ereditates quantas abeo uel augmentare potuero, siue ecclesias quomodo leigales, id est: ecclesia Sancti Uincenti de Peraria medieta[te] integra, | [f. 20v] cum omnibus adiectionibus suis; et Sancte Christine medietate integra, cum omnibus adiectionibus suis; et Sancti Martini de Mazada medietate integra, cum omnibus adiectionibus suis; et illas depladeas, id sunt: medietate de illa hereditate que fuit de abio meo Uidisilo et de pater meus, Guandila, ubi illa potueritis inuenire. Concedimus uobis ipsas ecclesias uel hereditates, que iam nominauimus pro remedio anime mee uel parentum meorum. Et damus uobis ipsas ecclesias uel ipsas hereditates cum omnis ornatus eorum uel aprestationibus suis uel domus cum edificiis suis. Et sunt illas ecclesias et ipsas hereditates fundatas in uilla Peraria, prope ciuitas Sancte Marie, discurrente ribulo Azeuedo, territorio Portugalensis.
Damus uobis atque concedimus, vt si quis tamen, quod fieri non credimus, aliquis homo uenerit uel uenerimus ad inrupendum hunc meum factum, inprimis sit excomunicatus a corpus et sanguinis Domini nostri Ihesu Christi et cum Iuda traditore abeat participio, et insuper quantum auferre temptauerit in quadruplo componat. Et hunc factum meum plenum obtineat roborem.
Facta series testamenti XV kalendas apriles, era millesima XLa. Arias presbiter in anc kartam testamenti manu mea r(signum)oboro.
(1ª col.) Petro presbitero testis.- Sauarigo testis.- Songemiro testis.- Iohanne testis.- Onorigo testis.
(2ª col.) Gundisaluus testis.- Fromarigus presbiter testis.- Rodorigo testis.- Aloitus presbiter testis.
Trastemiro notuit.
Reg. e com.: Catón, ‘La documentación’, p. 540 n. 67.
Ed.: PMH - DC, I/I, pp. 115-116 n. CLXXXIX; LT, pp. 639-640 n. 31.
