Professionem quam fecit Minduniensis episcopus Rabinadus Bracarensi ecclesie et Iohanni archiepiscopo

Ego Rabinadus Sancte Minduniensis ecclesie uocatus episcopus promitto in conspectu omnipotentis Dei atque totius ecclesie me ab hodierna die et deinceps sancte ecclesie Martini Bracarensis sub manu Iohannis eiusdem ecclesie archiepiscopi dignam subiectionem, more predecessorum meorum in sancta ecclesia Minduniensi ex antiquo usque nunc presidentium, in omnibus obtemperaturum sicuti ecclesiastica et regularis constitutio et pontificum Romanorum inuiolabilis comendat auctoritas.