Testamentum de Suerio Pelaiz

In nomine Patris et Filii et Spiritus sancti. Quoniam in hac uita quasi hospites sumus et nemini nostrum sui exitus horam scire datur, ideo ego Suerius Pelaiz cum mea uxore Ermesinda Diaz facimus kartam testamenti monasterio Sancti Saluatoris Ecclesiole de tota tercia parte nostre hereditatis et possessionis de quacumque hodie [fol. 99v°] habemus et deinceps habere poterimus, quod ita disponimus ut ille qui ex nobis prius transierit medium sue partis de ipsa tercia secum deferat ab integro ad monasterium; alter uero qui remanet idem fatiat ad sui transitum, Et dum simul uixerimus non sit in potestate nostra uendere, donare, testare alicui alio nisi ipso monasterio, iusto et digno precio. Et uos canonici et heredes qui diligunt monasterium, uidelicet Nunus Suariz et ceteri tales, cum tempus exigerit, nos adiuuetis. Quod si ⁽¹⁾ contra hoc nostrum factum aliquis ad inrumpendum uenerit, uel nos uenerimus, pro sola temeritate, quantum hereditatis uel possesionis tetigerit in duplum canonicis componat, et insuper CC solidos exsoluat coactus, et sit excommunicatus et anatematizatus et cum Iuda traditore dampnatus, amen. Facta series testamenti mense augusti, era M.C.LXXV. Ego Suerius predictus, cum muliere mea Exemena, confirmamus illam et propria manu uterque roboramus. Pro testes: Menendus, ts; Gunsaluus, ts; Suerius, ts; Petrus, ts; Arias ts; Menendus, ts. Iohannes notuit.