Testamentum Fafile Godini de ecclesia de Villa Noua quod fecit ecclesie Bracarensi

In Christi nomine. Ego Fafi[l]a Godiniz facio kartam testamenti Deo et Sancte Marie Bracarensis sedis uobisque archiepiscopo domno Iohanni uestrisque successoribus atque canonicis de omni eo quod habeo uel de iure habere debeo in monastrio Sancte Marie de Villa Nouua ex parte patris mei Godini Fafile intus et extra prope illum pontem antiquum qui est super flumen Aue. Do illud uobis pro remedio anime mee et pro illo debito quod ad obitum meum uobis persoluere debeo. Itaque habeatis uos illud firmiter et omnes successores uestri usque in perpetuum. Contra quod factum meum quicumque uenerit ad infringendum sit maledictus et excommunicatus et quantum uobis de eo quod presenti scripto uobis concedo auferre presumpserit tantum uobis in duplo componat.
Facta karta XIX Kalendas Septenbris, Era M.^a CC.^a. Ego Fafi[l]a Godiniz ha[n]c kartam uobis predicto archiepiscopo domno Iohanni uestrisque canonicis propria manu roboro.
Petrus ts., Iohannes ts., Pelagius ts.
Vermudus diaconus notuit.