Karta de Elderiz

In Dei nomine. Ego Arias Gundisaluiz et uxor mea Gontina Eriz uobis Suerio Fromariguiz facimus kartam uendicionis et incommuniationis de hereditate nostra propria quam habemus in uilla dicta Eldiriz, subtus monte Auturelo, discurrente riuulo Feuerus, territorio portugalensi. De illa tota quam in iamdicta uilla habemus, damus uobis medietatem integram pro precio quod nobis dedistis, L solidos quos debebamus nos dare ad Garsiam Eneguiz in debito, quod nos de cellario suo acceperamus; et iussimus uobis illi dare ipsos solidos pro nobis. Habeatis ⁽¹⁾ uos illam medietatem; et ipsa medietas quam mihi retineo non sit mihi licentia uendendi aut donandi nisi ad uos et semper ⁽²⁾ reddam uobis de illa uestram rationem. Et uos habeatis me in honore et in diuisione. Habearis uos illam firrniter cum ⁽³⁾ quantum in se obtinet infra uilla et extra uillam et in montibus et in campos et in aquis et in molinos et in ruptis et barbaris et egressibus et regressibus, plantatu et in omnibus suis prestationibus ubicumque illam potueritis inuenire suis locis et terminis terminatam antiquis et nouis, ita ut ab hac die de dominio nostro abrasa et in uestro tradita et confirmata; et omnis posteritas uestra similiter ⁽⁴⁾ faciat in seculo seculorum. Et si aliquis homo de qualicumque genere uidelicet de nostro aut de alieno hanc kartam infringere uoluerit, uel ⁽⁵⁾ nos contra illam deinceps uenerimus ⁽⁶⁾ et in concilio illam uobis concedere et recta fronte defendere ⁽⁷⁾ noluerimus uel non potuerimus, aut uos in uoce nostra, pariamus ipsam hereditatem [fol. 107] uobis duplatam cum omni suo melioratu; et post obitum meum ego Arias relinquam ipsam quam mihi retinui in manu Suerii Suariz liberam. Facta karta XIII° kalendas marcii, era M.C.X^L.VII^a. Ego Arias Gunsaluiz cum uxore mea Gontina Eriz illam coram idoneis testibus manibus propriis ⁽⁸⁾ roboramus. Qui presentes fuerunt: Aluitus, ts; Menendus, ts; Gundisaluus, ts. Dauid, presbiter, notuit.