Karta de Curueirus

In Dei nomine. Ego Didacus Froiaz uobis Nuno Suariz et mulieri ⁽¹⁾ uestre Eluire Gomez fatio kartam uendicionis de hereditate mea propria quam habeo in uilla de Curueirus, subtus monte Kastro Petroso, discurrente riuulo Birlanes, territorio portugalensi, in terra ciuitatis Sancte Marie. Et uenit michi de patre meo Froia Mogeimiz et auarum et de gaancia. Do uobis inde meam portionem integram cum quantum in se obtinet et ad prestitum hominis est suis locis et terminis terminatam antiquis et nouis, ubicumque illam potueritis inuenire, pro qua accepi a uobis in precio V modios; tantum mihi placuit et aput uos in dare nichil remansit. Habeatis igitur illam uos firmiter et faciatis de illa quicquid uolueritis ita ut ab hac die sit de dominio et iure meo abrasa et in uestro tradita et confirmata. Et si aliquis homo hanc kartam infringere uoluerit de meis propinquis uel de extraneis et in concilio ego illam defendere et uobis concedere noluero aut non potuero, aut uos in uoce mea, quod componam uobis illam duplatam et quanto fuerit meliorata et iudicatum. Facta karta V kalendas febroarii, era M.C.LX.I. Ego Didacus Froilaz illam manu mea roboro. Qui presentes fuerunt: Pelagius, ts; Fernandus, ts; Suerius, ts. Petrus notuit.