Karta de Tarauquelo

Hec est karta uendicionis que fecimus ego Aluito Diaz, in uice mea et fratris mei Suarii et sororis mee Uniscu, et ego Ermesinda, pro me de mea parte, de hereditate nostra propria quam habemus in uilla Tarauquella, subtus monte Grande, discurrente ipso arrugio ab ipso monte descendente, prope lictus maris, territorio Sancte Marie ciuitatis. Damus uobis in ipsa uilla, de illa hereditate quam ibi adquisiuit pater meus Didacus Godesteiz, quatuor septimas integras. Damus et concedimus uobis Petro, presbitero, et canonicis Sancti Saluatoris Eclesiole, ipsas nostras porciones ipsius hereditatis ab integro cum quantum in se obtinet et ad prestitum hominis est, per ubi illas potueritis inuenire suis terminis terminatas antiquis et nouis. Et accepimus de uobis precium que nobis bene complacuit: ego Aluito Diaz, X modios pro me et pro illis iam supradictis; et ego Ermesin — [fol. 44v°] — da, tres oues, tantum mihi complacuit; et de pretio pro dare aput uos nichil remansit. Habeatis illam uos ita ut ab hac die ipsa hereditas de iure meo et faciatis de illa quodcumque uolueritis. Si uero aliquis uenerit tam ex propinquis nostris quam extraneis, uel uenerimus, contra hanc kartam inrumpendam et nos in concilio defendere non potuerimus uel noluerimus aut uos in uoce nostra, quomodo reddamus uobis ipsam hereditatem duplatam cum suo melioratu, et iudicatum. Facta karta uendicionis XIII° kalendas maii, era M^a.C^a.LXX^a.Il^a. Ego Aluitus Didazi et Hermesinda et Suarius et Uniscu Diaz in hanc kartam manus nostras roboramus. Qui presentes fuerunt: Gunsaluus, ts; Pelagius, ts; Menendus, ts. Petrus notuit.