Karta de Moazelus

In Christi nomine. Hec est karta uendicionis et firmitudinis quam ego Pelagius Godesteiz et uxor mea Maria Aluitiz, una cum fratre meo Suerio Godesteiz et uxor sua Maria Pelagiz, facimus uobis, canonicis Ecclesiole, de hereditate nostra propria quam habemus in uilla de Moazellus subtus monte Saitella, discurrente riuulo Maor, prope littus maris, territorio portugalensi, ciuitas Sancte Marie. Damus uobis in supradicta uilla de nostra porcione tota que nobis pertinet tam parentum quam de gaancia, uidelicet de nostris casalibus, medietatem integram cum suis formalibus; et de omnibus hereditatibus quas habemus cum fratribus nostris, terciam partem integram de iliis que extra sunt, excepto illo casale de Menendo Godesteiz et de suo dermano Didaco, presbitero, uidelicet cum suo formale. Habeatis uos illas hereditates firmiter et omnes successores uestri cum quantum in se obtinet et ad prestitum hominis est, ubicumque illas potueritis inuenire suis locis et terminis terminatas antiquis et nouis, pro quibus accepimus a uobis precium, L morabitinos in auro et in ganado; tantum nobis bene placuit et aput uos nichil pro dare remansit. Si uero deinceps, quod minime credimus, contra hanc kartam aliquis homo uenerit, uel uenerimus, tam nos quam ex propinquis nostris uel extraneis ad inrumpendum et nos in concilio illas defendere et uestre parti concedere non potuerimus aut noluerimus, aut uos in uoce nostra, cum quanto fuerint meliorate in duplum uobis illas hereditates componamus, et domino terre aliud tantum et iudicatum [fol. 103]. Facta karta mense octobris, era M.C.LX^L.VIII. Nos predicti Pelagius et mea cum uxore mea et cum meo fratre et cum sua uxore, sicut illam scribere fecimus, ita et roboramus, et hec signa facimu + + s coram idoneis testibus. Qui presentes fuerunt: Menendus, ts; Gundisaluus, ts; Iohannes, ts. Martinus notuit.