De Mereli

[f. 7r] Sub Christi nomine. Ego Aldefonsus una cum coniux mea domina Orrache, similiter filii et filie nostre, uobis domnus abbas Iohannes Fenalis una cum conuentu fratrum uestrorum facio uobis kartulam uenditionis de hereditate mea propria que habeo, que uocitant nomine Merili, secus flumen Minei subtus mons de Cecus, ex ipsa petra que sedet in ipsa uia usque deorsum in aquam Minei, terciam de ipsam uillam intus et foris, per suis terminis et locis antiquis, per ubi illa potueritis inuenire. Damus uobis ipsa hereditate nostra propria, terciam de ipsa uilla sicut superius resonat, uidelicet pretium XLª et V^e morabitinos, que uobis bene complacuit et de precio nichil remansit in debitum pro dare - uos dedistis et nos accepismus-, ita ut de hodie die ipsa hereditate, que ego Adefonsus Pelaiz uobis domnus abbas Iohannes et fratres uestros do pro uestro precio siue pro anima mea, sit semper in iuri uestro tradita atque confirmata in temporibus seculorum et ex hodie die sit de iuri meo abrasa atque deleta et uos semper firmiter eam habeatis in secula seculorum. Et si aliquis homo uenerit, ex gente nostra siue extraneus, qui hunc factum meum irrumpere uoluerit et hanc kartam infringere quesierit, si ego | [7v] eam uobis in concilio uindicare et concedere non potuero, quod (a) pariam uobis firmiter ipsa hereditate et reddam uobis eam duplatam uel triplatam siue quantum uobis fuerit melioratam in tali loco uel optimo, et hunc factum meum semper sit firmum et semper habeat roborem. Facta karta uenditionis de hereditate sub die quod erit VI° idus ianuarii, era Mª CCª XIIª, in Portugal(e) regnante rex Adefonsus et de manu eius dominante Ualladaris Sueri Arias, in sede Tude Bertranus. Qui presentes fuerunt: Petrus testis, Iohannes testis, Pelagius testis. Ego Aldefonsus Pelaiz, una cum coniux Orracha Didaci uidelicet filii et filie mee, uobis abbas Iohannes de Fenalis et fratres uestros in hac karta manus nostras roboramus semper.
Petrus scripsit (signum).