-

[f. 2v] In nomine Patris et Filli et Spiritus Sancti. Ego Salvador ferrarius cum mea uxore domina Eldonza et filiis et filiabus meis facio testamentum | [f. 12r] et cartam de illa hereditate que comparaui de domno rege Adefonso. Et ipsa hereditas est in Melgazo. Do eam Sancte Marie de Fenalis pro remedio anime mee et uxoris mee, ita ut de hodie die sit de iure meo ablata et in iure Sante Marie de Fenalis confirmata, sed post mortem meam filii mei habeant illam in uita sua et, in quantum eam habuerit, pro festo natalis Domini dent III^es denarios monasterio Sancte Marie de Fenalis. Et ipsa hereditas est una uinea que iacet iusta Baruosam et est una casa que est confirmata iusta ecclesiam de burgo de Melgazo. Sed post mortem filiorum meorum nullus genus meum dominetur ei, nisi tantum abbas de monasterio Sancte Marie de Fenalis. Si quis uenerit de meo genere qui hoc testamentum meum corrumpere uoluerit, sit maledictus usque in octauam generationem et non habeat partem cum Deo sed cum diabolo. Amen. Et domino terre CC^os solidos pariat et insuper duplet (a) eam. Facta karta testamenti in era Mª CCª XXª VIIIª et quotum kalendarum aprilis, in Portugale rex Sancius, in Ualadares domnus Manriqui, in sede Tude episcopo Petrus, archidiaconus Garsias. Ego Salvador faber cum mea mulier domina Eldonza hanc cartam propriis manibus roboro. Fernandus testis, Fernandus testis, Andreas testis.