De Sancti Cipriani

[f. 13v] De Sancti (a) Cipriani.

In nomine domini nostri Iesu Christi. Ego Alfonsus Pelaiz una cum fratribus meis et sororibus meis Petro Pelaiz, Egeas Pelaiz, Fernando Pelaiz. Garsie Pelaiz et Onega Pelaiz et Gontina Pelaiz et Maiore Pelaiz, omnes nos fratres et sorores, uobis Iohannes abbas de Fenalis atque conuentui uestro facimus cartam donationis textumque alligabile de hereditate nostra propria quam habemus ex parte auorum nostrorum, scilicet de ipse ecclesia de Sancto | [f. 14r] Cipriano fundata prope ripam Minei. Damus eam uobis atque concedimus cum suis terminis et locis, cum ingressu et regressu, cum omnibus ad se pertine[n]tibus, uidelicet cum illa tota edificatione quam noster consuprinus archidiaconus Garsia Nuniz in uita sua debet habere et possidere in tali pacto: in quantum monasterium de Fenalis edificatum fuerit atque regulam sancti Benedicti, serui Dei, custodierint ibique perseuerauerint, quatinus illam in perpetuum habeatis; et si casu euenerit ut ipse locus in eremum deuenerit, unusquisque nostrum testamentum suum recipiat. Si quis tunc uenerit, tam de nostris quam de alienis, qui hoc factum nostrum infringere uoluerit, sit maledictus et excommunicatus et perdat fidem Christi et hereditatem paradisi ac insuper regie uoci mille solidos reddat. Facta karta sub die quod este IIII° nonas octobris, era Mª CCª IIIª, in Portugal(e) rex Alfonsus, de manu eius in Ualladares Suerius Arias, in sede Tude episcopus Ysidorus, archidiaconus dominus Garsia. Ego Alfonsus Pelaiz et omnes fratres mei supradicti ac sorores mee supernominate uobis abbas Iohannes de Fenalis et uestro conuentui hanc cartam propriis manibus roboramus. Et in roboratione huius cartule Alfonsus Pelaiz IIII^or porcos recepit et Petrus Maleta unum porcum et dominus Egeas unum bouem in VIII° modios et Fernandus Pelaiz VIII° morabitinos super hereditatem in Uilones et domina Maior unum morabitinum.
Petrus testis, Gomez testis, Nunus testis.