De Sendeli

[f. 26v] In Christi nomine. Ego domna Orraca Sancii uobis Iohanni abbati et conuentui de Fenalibus pro anima mea et pro anima fratris mei domni Martini Sancii fatio cartam de hereditate mea quam habeo ex parte matris mee, uidelicet unum casale in uilla que dicitur Sendeli in loco qui uocatur Saa. Do uobis et concedo ut habeatis et possideatis uos et omnes posteri uestri usque in perpetuum. Sed postea frater meus domnus Martinus Egidii et domna Terasia | [f. 27r] Egidii fecerunt uobiscum cambiam: uos dedistis eis istud iam dictum casale et ipsi dederunt uobis unum casale in uilla de Palaciis et quartam de alio casali ultra flumen Minei in uilla que dicitur Quintela. Si quis uobis calumpniauerit istam hereditatem, sit maledictus et in inferno comdempnatus et regi terre, uel cui uocem dederitis, pariat CC^os morabitinos et uobis herdeditatem in dupplum reddat. Facta carta sub era Mª CCª LXXª IIIª, regnante rege in Portugali domno Santio, tenente Ualadares Martino Egidii, Tudensi episcopo Stephano, in Legione et Castella regnante rege Ferdinando, tenente castellum Sancte Crucis Petro Fernandi, in Auria episcopo Laurencio.
Qui presentes fuerunt: Menendus testis, Gundisaluus testis, Petrus testsi, Pelagius testis, Martinus testis, Petrus qui notuit (signum).