De Brandia

[f. 30v] In Dei nomine. Ego Pelagius Pelagii cum filiis et filiabus meis facimus cartam uenditionis et firmitudinis uobis domno Iohanni abbati et conuentui de Fenalibus de nostra hereditate propria quam habemus ex parte auuorum nostrorum in loco nominato Brandia, uidelicet duas partes de ipsa leira cum sua deuesa et aliam porcionem de una leira in loco qui uocant Cecos, pro precio quod de uobis accepimus, uidelicet unum bouem et unam cubam bonam et pro roboratione III solidos, et de precio apud uos nichil remansit in debito pro dare. Similiter ego Iohannes Aluari do et concedo porcionem meam de supra dicta leira de Cecis, uidelicet terciam partem, pro remedio anime mee et uxori mee et parentum meorum, et ipsa leira habet iacentia inter Petra et Bouza de fratre Nuno, ita quod de hodie die sit de iuri meo abrasa et in uestro dominio confirmata in omnes generationes seculorum. Si aliquis homo uenerit, tam de nostris quam ex alienis, qui hanc uenditionem siue donationem frangere uoluerit, iram Dei omnipotentis incurrat et sit rationarius in inferno cum Datam et Abiron et quantum calumpniauerit in duplo conponat et regi uoci D solidos persoluat; carta robur obtineat in perpetuum. Facta carta uenditionis et donationis sub era Mª CCª LXXXª IIª, mense maii, regnante rege Santio in Portugali II°, tenente Ualadares Martino Egidii, in sede Tudensi Lucha.
Qui presentes fuerunt: domno Iohanne abbate, Gundisaluus Pelagii, Ordonius Garsie monacus testes.
Michael Iohanis, Martinus Roderici laici confirmant.
Pelagius Roderici monacus qui notuit (signum).