De Bergoti

[f. 31r] In Dei nomine. Ego Martinus Gundisalui una cum uxore mea Toda Arie et cum filiis meis Petro Martiniz et Suerio Martiniz et alio Suerio Martiniz uobis domno Gundisaluo abbati et conuentui uestro de Fenalibus fatio cartam de hereditate mea quam habeo in loco qui dicitur Portu de Bergoti, nominatim madietatem de illa leira que uocant de Souereiro, ut habeatis et possideatis eam uos et omnes successores uestri qui in ipso monasterio Deo seruierint in secula seculorum. Et si quis uobis calumpniauerit tam ex parte nostra quam ab extranea, quicumque fuerit, sit maledictus et excommunicatus et cum Iuda traditore in inferno condemnatus et domino terre, uel cui uocem dederitis, pariat D solidos. Facta carta sub era Mª CCª LXª Vª, regnante rege domno Santio in Portugali II°, tenente Ualadares Martino Egidii, in Tuda episcopo Stephano.
Qui uiderunt et audierunt: Petrus, Pelagius, Martinus testes.
Munio, Garsias, Iohannes confirmant et alii multi qui uiderunt et audierunt.
Petrus qui notuit (signum).