Desuper uerea de Boucedo

[f. 32v] In Dei nomine. Ego Fernandus Alfonsi miles et uxor mea Terasia Ruderici cum filiis et filiabus nostris et ego Maior Ruderici et ego abbatipsa cum conuentu de Aluenis concedendo et ego Petrus de Castro cum filia mea quam habeo de Urraca Roderici, omnes nos supranominati, insimul damus et concedimus quantam hereditatem habemus super ueream de Boucedo et sub uilla de Acre circa Ferreiram monasterio Sancte Marie de Fenalibus pro animabus nostris et pro pretio quod abbas et conuentus nobis dederunt, uidelicet Fernando Alfonsi et uxori sue unum equm et Maior Roderici X solidos et Petro de Castro et filie sue X solidos, et ego Petrus de Castro debeo octorgare istam hereditatem semper per meam hereditatem de Palaciis. Si aliquis homo ex parte nostra uel extra[nea] uenerit, uel uenerimus, qui hanc donationem et uenditionem frangere uoluerit, pariat dicto monasterio istam hereditatem duplatam et domino terre, uel cui uocem dederint, D solidos et carta semper maneat in suo robore. Facta carta donationis et uenditionis in era Mª CCª LXXXª IIIIª, regnante rege Santio IIº in Portugali, tenente Ualadares Martino Egidii, in Tuda episcopo Lucha, iudices in Melgazo Iohannes Ospes et Rudericus Petri.
Qui presentes fuerunt: prior Gundisaluus Pelagii, infermarius Petrus Garsie, sacrista Petrus Petri. (Signum). Martinus Pelagii qui notuit.