De casali de Pumar Donego

[f. 33v] In Dei nomine. Ego Fernandus Petri, filius Petri Mirabilie, uendo monasterio de Fenalibus partem meam de casali de Pumar Donego quam habui ex successore (a) paterna. Uendo, inquam, eam cum omnibus directuris et pertinenciis suis in tota parrochia de Cristoual pro precio quod mihi bene complacuit uidelicet, XXXª solidos et unum sestarium de pane pro roboratione, et de precio et de robore nichil remansit ad soluendum. Obligo etiam eidem monasterio omnia bona mea, tam habita quam habenda, ut semper ipsum monasterium defendam cum predicta hereditate ego et omnis posteritas mea. Si quis contra hanc uenditionem uenerit, pariat uoci monasterii Lª aureos; carta nichilominus robur obtineat. Facta carta uenditionis sub era Mª | [f. 34r] CCª LXXXª prima, IIIIº nonas maii, regnante in Portugalia rege Santio II°, in Tuda episcopo Lucha, tenente Ualadares Martino Egidii, iudices in Melgazo Iohannes Ospes et Rudericus Iohannis.
Qui presentes fuerunt, uiderunt et audierunt: Iohannes prior, Munio Suerii Ursarie, Fernandus Alfonsi, Petrus Petri, Adam Petri testes.
Lupus Pelagii, Pelagius Roderici, Iohannes Giraldi monacus, Matheus Iohannis laicus confirmant.
Ego Fernandus Petri primo positus in hanc cartam, quam iussi Pelagio Roderici, manus meas roboro et confirmo.
Ego Pelagius Roderici presbiter de mandato Fernandi Petri scripsi hanc cartam (signum).