De Uilela

[f. 37r] In Dei nomine. Ego Fernandus Fernandi, clericus Sancte Marie de Uilela, do et concedo Sancte Marie de Fenalibus meum quinionem de ecclesia Sancte Marie de Uilela pro anima mea et pro anima regis Sancii et sui filii regis Alfonsi et seminis sue et pro anima patris mei. Do pernominatim de medietate ipsius ecclesie III^es quintas et unam de istis quintis habeo de Martino Fernandi pro quadraginta et V^e aureos.
Item ego donnus Gundisaluus Roderici de alia medietate ipsius ecclesie do mediam de una octaua, quam habui de Martino Malabarata, et ex alia parte quantum habeo de parte domne Maioris Didaci Sancte Marie de Fenalibus.
Item ego domnus Petrus Nunit Bochum do quantum ibi habeo.
Item ego Fernandus Fernandi clericus et Maria Fernandi damus nostros quiniones de ipsa ecclesia Sancte Marie de Fenalibus.
Item ego Ramirus Arie do ei meum quinionem.
Item ego Martinus Iohanis, clericus de Saa, do ei meum quinionem. |