De Uilla Uerde

[f. 40r] In Dei nomine. Ego Rodericus Roderici do et concedo ad Sanctam Mariam de Fenalibus pro remedio anime mee quantum habeo in Uilla Uerde in montibus et fontibus et cum totis suis terminis, excepto inde ipso terreno de Ponte. Si aliquis homo uenerit ex parte mea uel de aliena qui hoc meum factum frangere uoluerit, sit maledictus et excommunicatus et cum Iuda traditore dampnatus et insuper quantum inquisierit tantum duplet (a) monasterio de Fenalibus et domino terre pectet D solidos et carta maneat in suo robore. Ego Rodericus Roderici, qui hanc cartam fieri iussi, in concilio manus meas roboro et pro roboratione recepi unam pixotam. Qui uiderunt et audierint et presentes fuerunt: Iohannes testes, Petrus testis, Garsias testis et alii multi qui uiderunt et audierunt. Era Mª CCª LXª et quot[um] nonas maii, regnante rege Alfonso in Portugalia, in sede Tudensi episcopo Stephano, tenente Uallem de Uice Laurentius Suerii.
Petrus qui notuit.