Pactum inter Feas et Iohannem Petri prelatum Sancti Michaelis de Messegaes

[f. 48r] In Dei nomine. Notum sit tam presentibus quam futuris quod ego Iohannes Petri, presbiter et prelatus ecclesie Sancti Michaelis de Messegaes, ratam habeo et confirmo stabilem in perpetuum composi[ti]onem illam quam dominus Stephanus felicis memorie Tudensis episcopus, de beneplacito partium, mandauit et sigillatam dedit inter domnum Iohannem abbatem et conuentum de Fenalibus ex una parte et domnum Thomam | [f. 48v] presbiterum, predecessorem meum, ex altera super decima grangie de Figueiredo. Et modo ab renuntio et concedo omni questioni quam non solum per me, uerum etiam per amicos et consanguineos et patronos faciebam monasterio de Fenalibus, ita quod de cetero non liceat mihi conqueri de abbate et fratribus nec aliquo modo uexare aut fatigare siue inquietare eos quolibet modo per me nec per alium hominem super decima iamdicte grangie et mercennariorum in ea conmorantium. Et pro hac concessione et renuntiatione promittunt mihi et ecclesie mee dare annuatim in pace [duos] (a) modios uini et unum de pane, siue continetur in cirographo confecto per episcopum dictum, et exhiberent se mihi in aliis quasi familiari et amico, si me haberent promptum et propitium ut familiarem et amicum. Insuper etiam obligo me eidem monasterio bona fide, in manu abbatis, ad penam CCCC^orum solidorum si hoc transgressus fuero aut si uenire quolibet modo temptauero contra ea que sponte et uoluntarie disposui. Si forte, quod absit, querelam de supradictis habuero, debeo uenire ad monasterium et amicabiliter satisfacerent mihi, alioquin licebit mihi querimoniam facere de eis. Facta concessione et amicabili compositione apud monasterium de Fenalibus, era Iª CCª LXXX Iª et quotum VII° idus decenbris, regnante rege in Portugalia donno Santio II°, tenente Ualadares domno Martino Egidio, in sede Tudensi episcopo donno Luca, archidiacono de Ualadares domno Iohanne Garsie.
Testes huius concessionis et firmationis: conuentus de Fenalibus et donnus Petrus Midi canonicus Sancti Iohannis de Longouares, Petrus Facundi et Gundisaluus Fernandi layci. Ego Iohannes dictus abbas in hanc cartam, quam fieri mandaui, proprias manus roboro et confirmo. Ego Iohannes Petri presbiter, prelatus ecclesie Sancti Michaelis de Messegaes, in hanc cartam, quam mandaui fieri, manus meas roboro.
Munio Suerii, olim Ursarie cantor, scripsit de mandato abbatis et Iohannis Petri, presbiter et prelatus primo positus (signum).