De Meedoira

[f. 50r] In Dei nomine. Ego Pelagius Roderici uobis domno Iohanni abbati et conuentui de Fenalibus pro anima mea et remissione peccatorum meorum fatio cartam de meo quinione quem habeo in monte que dicitur Meedoria, quantum ibi habeo, ut habeatis uos et successores uestri qui in ipso monasterio Deo seruierint in perpetuum. Ego Maria Roderici uobis predicto abbati et conuentui do in presenti et concedo quantum habeo in ipso monte de Meedoria pro decem solidis, quos mihi dedistis, ut habeatis et possideatis uos et omnes posteri uestri sine calumpnia nullius hominis, et recepi a uobis pro robore unum almuden de uino. Si quis uobis calumpniauerit istam hereditatem, componat eam uobis in dupplum et domino terre, aut cui uocem uestram pulsauerit, D solidos exsoluat et carta | [f. 50v] maneat in suo robore. Facta carta in era Mª CCª LXXª IIª. Ego Laurentius Gomez, in tempore domni Iohannis abbatis de Fenalibus, do atque concedo Sancte Marie de Fenalibus pro anima mea et remissione peccatorum meorum quantum habeo in uilla de Parada de Agabi, cum omnibus suis terminis, ut habeat in perpetuum. Regnante rege Santio II° in Portugalia, tenente terram domnus Martinus Egidii, Tudensis episcopus Stephanus.
Qui uiderunt et audierunt: Gundisaluus testis, Petrus testis.
Fernandus testis, Martinus testis.
Petrus qui notuit (signum).