De Ferraria

[f. 50v] In Dei nomine. Ego Egas Artardit et uxor mea Marina Roderici pro remedio animarum nostrarum facimus cartam donationis et firmitudinis uobis domno Iohanni abbati et conuentui de Fenalibus de hereditatibus quas habemus in locis nominatis, scilicet in Ferraria et super ueream in quo loco [quem] uocitant Murugal et Ameal. Et istas hereditates habemus ex parte patris Marine Roderici et commutauit eas cum fratribus et sororibus suis. Igitur de hac die habeatis uos istas hereditates et omnes successores uestri qui in ipso mo|nasterio [f. 51r] Deo seruierint et faciatis de eis quicquid placuerit uobis in perpetuum. Insuper placuit nobis quod recepimus a uobis unum bouem et unam pellem optimam et unum arietem pro roboratione et aponimus ibi penam quod quicumque istam donationem nostram dirrumpere uoluerit, iram Dei omnipontetis incurrat et per dominum terre conpellatur cui uocem uestram dederitis D solidis componat, manente donatione in suo robore. Facta carta donationis sub era Mª CCª Lª VIIª, regnante rege donno Alfonso in Portugali, dominante Ualadares Gundisaluus Menendi, in Tuda episcopo Iohanne, iudex in Ualadares Fernandus Didaci.
Qui uiderunt et audierunt et presentes fuerunt: abbas domnus Didacus testis, donnus Dominicus monacus testis, Martinus Muniz monacus testis, Martinus Nuniz testis.
Frater Petrus Pelagii confirmat, Petrus Maurus confirmat, Nunus Alvari confirmat.
Insuper ego Egas Altardit et uxor mea Marina Ruderici damus et concedimus uobis predicto abbati et conuentui quantum habemus in loco qui dicitur Fonte de Donis.