De casali de Parada

[f. 53r] Notum sit tam presentibus quam futuris quod ego Santia Petri, mulier de Petro Fernandi de Biadi, ipso marito meo presente et concedente, uobis donno Gundisaluo abbati de Fenalibus conuentuique eiusdem loci do et concedo pro anima mea meam hereditatem de casali de Parada quod uobiscum habeo. Ab hinc igitur habeatis eum cum omnibus directuris suis et possideatis iure hereditario in perpetuum absque ulla interdictione | [f. 53v] et diminutione. Et si aliquis homo contra hanc cartam et contra hoc meum factum ad irrumpendum uenerit, quisquis fuerit, in primis sit maledictus et cum Iuda traditore in inferno dampnatus et pectet uobis ipsam hereditatem duplatam uel triplatam et regie uoci CC morabitinos pectet et hec carta maneat semper in robore. Et pro robore et confirmatione carte istius dedistis mihi XXXª solidos. Ego Santia Petri supradicta in hanc cartam manus meas roboro. In era Mª CCª LXª et quotum VIº kalendas iulii, regnante rege Alfonso in Portugali, episcopo in Tuda Stephano, tenente Ualadares domno Laurentio Suarii, iudicibus in Melgazo Iohanne Petri et Petro Aluari.
Qui presentes fuerunt: Rudericus Petri clericus, filius domni Petri ferrarii de burgo Ripe Auie, testis. Et eius pater domnus Petrus ferrarius testis.
Petrus Nuni ferrarius de Burgo testis.
Petrus Fernandi de Biadi, maritus de Santia Petri supradicta, testis.
Abbas ferrarius de burgo Ripe Auie testis.
Fernandus Sebastiani testis.
Iohannes Gardelas testis.
Petrus Fernandi de burgo Ripe Auie testis.
Et eius germanus Iohannes Fernandi testis.
Petrus Martini carpentarius de sumitate uille testis.
Petrus Pelagii clericus de burgo Ripe Auie testis.
Martinus Aluiti, notarius concilii Ripe Auie, qui notuit et est testis.