De Ferraria

[f. 54r] In Dei nomine. Ego Menendus Menendiz cum uxore mea Maria Petri uobis domno Petro abbati de Fenalibus omnique conuentui eiusdem loci fatio cartam uenditionis cum filiis et filiabus meis et habet iacentia in loco qui dicitur Ferreiria, subtus montis de Cecis, discurrentis aquis Minei. Damus et concedimus uobis quantam hereditatem ibi habemus cum suis pertinentiis pro pretio quod de uobis accepimus, XXXª solidos, et pro sua robora unum agnum. Habeatis uos ipsam hereditatem propriam et omnes successores uestri et faciatis de ea quicquid placuerit uobis imperpetuum. Sed si forte aliquis homo uenerit uel uenerimus tam de nostris propinquis quam de alienis qui hoc factum nostrum irrumpere uoluerit, sit maledictus et excommunicatus et cum Iuda traditore in inferno dampnatus et insuper domino terre, aut cui uocem uestram pulsauerit, pectet D solidos et carta maneat in robore. Facta karta uenditionis III° idus februarii, sub era M CC XXX IIIª, regnante rege Santio in Portugalia, in sede Tudensi episcopo Petro, tenente Ualadares Pelagio Suariz. Ego Menendus Menendi cum uxore mea et cum filiis et filiabus nostris in hanc cartam manus nostras roboramus et confirmamus.
Qui uiderunt et audierunt: Petrus testis, Iohannes testis.
Pelagius testis.
Iohanes qui notuit et testis (signum).