De Eiroo

[f. 56v] In Dei nomine. Ego Nunus Petri et uxor mea Maria Fernandi tibi fratri Pelagio Iohannis de Iunias in domino Deo eterno salutem. Amen. Placuit nobis per bonam pacem et uoluntatem ut faceremus tibi cartam uenditionis et donationis de uinea nostra propria quam habemus in Eiroo cum Fernando Petri Maltuso et cum suo filio. Do tibi illam pro C^m XXXª soldos et X solidos pro robora et unam quartam de uino. Ego Nunus Petri et uxor mea Maria Fernandi damus tibi ipsam uineam cum sui directuris et ipsis directis sunt tercia pars de omni | [f. 57r] fructu. Et si aliquis homo uenerit de nostris uel de extraneis qui hanc cartam irrumpere uoluerit, ego Nunus Petri et uxor mea Maria Fernandi debemus te defendere cum predicta hereditate, et si forte non potuerimus habeas super nostram bonam. Si quis tamen contra hoc factum et scriptum istud ad irrumpendum uenerit, quisquis fuerit, sententiam excommunicationis suscipiat et cum Datam et Abiron, quos terra uiuos absorbuit, penas inferni inueniat et domino terre, aut cui uocem dederis, quingentos soldos exsoluat. Facta carta uenditionis et donationis sub era Mª CCª Lª VIIª et quotum VIII° idus ianuarii, regnante rege donno Alfonso in Portugallia, in sede Tudensi episcopus Stephanus, archidiaconus Petrus Pelaiz, iudices in Melgazo Pelagius Garsie et Rudericus Menendi. Ego Nunus Petri et uxor mea Maria Fernandi, qui hanc cartam iussimus fieri, propriis manibus eam roboramus. Qui uiderunt et audierunt et presentes fuerunt: Petrus testis, Iohannes testis, Fernandus testis (signum).