De Ceiuaes

[f. 57r] In nomine domini nostri Iesu Christi. Sciant presentes et posteri quod ego Marina Roderici de Ualde Uice cum omni uoce mea uobis Roderico Fernandi et uxori uestre Terasie Pelagii omnique uoci uestre fatio cartam uenditionis de illa mea hereditate de Ceiuanis, uidelicet de VIª parte casalis de Sauto quam habui ex parte matris mee Urrace Fernandi de Badin. Do illam uobis pro LXXª solidos; tantum mihi et uobis bene complacuit et de precio et de roboratione nichil remansit pro dare. Ex hac igitur die sit hec hereditas de meo iure abrasa et uestro tradita et confirmata in secula seculorum. Si quis uero tam ex parte mea quam ex aliena contra hanc uenditionem uenire temptauerit, sit maledictus et pectet uobis uel uoci uestre illam hereditatem duplatam cum quanto feuerit meliorata et domino terre Dos solidos exsoluat. Facta carta uenditionis sub era Mª CCª LXª IIª, XIIIIº kalendas decenbris, regnante rege domno Santio II° in Portugallia, principe in Ualadares domno Suerio Pelaiz, episcopo Tudensi Stephano. Ego Marina Roderici propriis manibus hanc cartam roboro et con|firmo [f. 57v].
Petrus testis, Pelagius testis.
Iohannes confirmat, Suerius confirmat.
Martinus qui notuit (signum).