De Rauces

[f. 57v] In Dei nomine et indiuidue Trinitatis. Ego Urraca Oduarii do atque concedo monasterio beate Marie de Fenalibus pro remedio anime mee et pro remedio animarum patris mei et matris mee quantum habui in uilla quam uocant Rouces, uidelicet sextam partem unius casalis quam ibi habeo. Do atque concedo eam cum montibus et fontibus, uallibus et domibus, et cum totis suis terminis modernis et antiquis. Et si aliquis homo uenerit ex parte mea uel de extranea qui istam meam donationem temptauerit, iram Dei patris omnipotentis incurratt et habeat patris et matris mee maledictionem et insuper pectet monasterio iam dicto C aureos et carta maneat in suo robore. Facta carta donationis sub era Mª CCª LXXXª IIª et quotum mense decembris, regnante rege domno Santio II° in Portugallia, in sede Tudensi episcopo Luca, tenente Ualadares Martino Egidii. Ego Urraca Oduarii, que hanc cartam iussi fieri, propriis manibus eam roboro et confirmo.
Qui presentes fuerunt: Arias Petri armiger, qui fuit intergador de ista hereditate et est testis, testis; Fernandus Nuniz testis, Petrus Martini testis.
Domnus Ordonius testis, monachus testis.
Martinus Pelaiz qui notuit (signum).