De Caballariis

[f. 58v] In Dei nomine. Ego Terasia Ueegas do in presenti et concedo monasterio de Fenalibus imperpetuum habendam hereditatem meam de Caballariis quam dedi ad forum Facundo Cerru et Laurentio Fernandi Citu, tali conditione ut teneam in uita mea et non dem aliquo modo alicui ipsam uel aliquam eius partem nec alienem a iure et dominio monasterii et in morte mea recipiat eam cum omnibus que in ea fuerint absque ullius contradictione. Et hoc feci ob remedium anime mee et pro XXXª solidis Legionensibus, quos iam recepi ab abbate et fratribus ipsius monasterii et in robore unam quartam de uino recepi. Si quis contra hanc meam donationem et uenditionem uenerit, quantum calumpniauerit in duplo conponat et regio fisco pariat centum aureos et obligo omnia bona mea ut semper defendat monasterium cum ea. Facta carta sub era Mª CCª LXXXª Vª, mense iunii, regnante rege in Portugalia domno Santio secundo, tenente Ualadares Martini Egidii, in Tuda episcopo Luca.
Qui presentes fuerunt: Iohannes Moogus presbiter de Melgazo testis, Petrus Iohanis presbiter testis, Petrus Martini presbiter testis, Petrus Garsie monachus testis.
Rudericus Iohanis testis, Petrus Iacobitanus testis, Michael Brazadu testis, Martinus Chico testis.
Martinus Pelagii qui notuit de mandato Iohannis Moogi presbiteri.